ACTION STRATEGY FOR WESTERN KAZAKHSTAN TO MITIGATE GLOBAL WARMING AND MAINTAIN CLIMATE POTENTIAL
DOI:
https://doi.org/10.26577/JGEM202578311Keywords:
Western Kazakhstan, greenhouse gases, economic sectors, carbon efficiency, environmental issues, targetsAbstract
Бұл зерттеу жаһандық климаттың өзгеруі жағдайында парниктік газдар шығарындыларын азайту мәселесіне арналған және Батыс Қазақстан өңірінің аймақтық ерекшеліктерін ескере отырып қарастырылады. Зерттеудің мақсаты – өңірлік жағдайларға бейімделген және ғылыми негізделген іс-қимыл жоспарын әзірлеу, сондай-ақ Батыс Қазақстанның климаттық өзгерістерге бейімделу және оларды жұмсарту (митигация) әлеуетін бағалау. Зерттеудің ғылыми және практикалық маңыздылығы ұсынылып отырған стратегияны өңірлік климаттық саясатты қалыптастырудың әдіснамалық және қолданбалы негізі ретінде пайдалану мүмкіндігінде көрініс табады. Зерттеу әдістемесі бейімделудің халықаралық тәсілдерін талдауды, 2050 жылға дейінгі климаттық болжамдарды құруды, сондай-ақ қолданыстағы инфрақұрылым мен өңірлік жағдайларды кешенді бағалауды қамтиды. Зерттеу нәтижесінде аймақтық ерекшеліктерді ескеретін парниктік газдар шығарындыларын азайту стратегиясы ұсынылып, Батыс Қазақстан өңірінің бейімделу және митигациялық әлеуетіне талдау жүргізілді. Зерттеу нәтижелері өңірлік деңгейде климаттық саясатты жетілдіруге ықпал етіп, жаһандық экологиялық сын-қатерлерге жергілікті жауап беру мүмкіндіктерін ғылыми негізде қарастыруға жол ашады. Тәжірибелік құндылығы – әзірленген стратегияны жергілікті мемлекеттік органдар, бизнес құрылымдары мен қоғамдық ұйымдар тарапынан шығарындыларды азайтуға бағытталған шараларды әзірлеу және іске асыру үдерісінде қолдану мүмкіндігімен айқындалады.
