Ақтөбе облысының туристік-рекреациялық әлеуетіне интегральды баға беру
DOI:
https://doi.org/10.26577/JGEM.2020.v59.i4.04Кілттік сөздер:
туристік-рекреациялық әлеует, интегральды бағалау, табиғи климаттық ресурс, тарихи-мәдени ресурс, әлеуметтік-экономикалық ресурс, Ақтөбе облысы.Аннотация
Ақтөбе облысының туристік-рекреациялық әлеуетін бағалау оның даму болашағы мен стратегиялық жоспарлауды анықтаудың негізгі құралы болып табылады. Мақалада Ақтөбе облысының туристік-рекреациялық даму әлеуетін бағалау әдістемесі мен нәтижелері көрсетілді. Ақтөбе облысының туристік-рекреациялық әлеуетіне интегральды баға беруде туризмді дамыту ресурстарының үш тобы бағалаудың критерийлік негізін қамтыды: табиғи-климаттық, тарихимәдени және әлеуметтік-экономикалық. Статистикалық көрсеткіштердің жетіспеушілігін ескере отырып, мақалада жалпы теңгерім әдісін қолдану арқылы таңдап алынған бағалау өлшемдерінің негізінде Ақтөбе облысының аудандарындағы туризмнің әлеуеті талданып сараланды. Ақтөбе облысының табиғи және мәдени ресурстарының туристік әлеуеті туризмді аумақтық ұйымдастырудың дамуына әсер ететін ерекшеліктерге ие. Қазіргі уақытқа дейін сақталған мәдени және тарихи мұра нысандары Ақтөбе облысының өзіндік ерекшелігін көрсетеді. Облыстың туристік-рекреациялық әрекетін бағалау нәтижелерін мұқият талдау, сауатты жұмыс істеу және инвестициялау кезінде жаңа туристік объектілер пайда болуы мүмкін аумақтар туралы мағлұмат береді. Жүргізілген талдау нәтижесінде туристік ресурстардың біркелкі орналаспағаны белгілі болды, туристерге қызмет көрсетуде облыстың табиғи-климаттық ресурстар контексінде туризм дамуының жоғары деңгейі анықталды. Зерттелген талдау нәтижелері аймақтық және жергілікті деңгейлерде туризмнің теңгерімді дамыту үшін ұйымдастырушылық және басқарушылық мәселелерді шешу үшін қолдануға болады.
