Климаттың өзгеру жағдайында Батыс Қазақстан аймағының ауыл шаруашылық жерлерін ұтымды пайдалану

Аннотация

Ауыл шаруашылығы - экономиканың климаттың өзгеруiне неғұрлым сезiмтал секторларының бiрi, өйткенi ауыл шаруашылығы өндiрiсi едәуiр дәрежеде ауа райы жағдайларына, әсiресе жылу мен жауын-шашынға тәуелдi.

Халықаралық азық-түлік ұйымының сарапшылары 2030 жылдан кейін планетаның көптеген аймақтарында климаттың өзгеруіне байланысты дақылдардың өнімділігі төмендейді деген қорытындыға келді.

Ауыл шаруашылығы үшін ең үлкен қауіп – температураның жоғарылауы, жауын-шашынның таралу режимінің өзгеруі, теңіз деңгейінің көтерілуі (жағалаудағы ойпаттар үшін) және жиі құрғақшылық пен су тасқыны сияқты климаттың өзгеруінің көріністері, әсіресе апаттарға бейім аймақтарда. Бұл өзгерістер ауыл шаруашылығына әсер етеді, азық-түлік қауіпсіздігі мәселесі барған сайын өткір бола түсуде.

Бұл мақалада климаттың өзгеруі жағдайында Қазақстанның батыс өңіріндегі ауыл шаруашылығы мақсатындағы жерлерінің қазіргі жағдайына, ауыл шаруашылығы саласында, атап айтқанда, өсімдік шаруашылығы салаларында пайдалану ерекшеліктеріне талдау жасалынды, сондай-ақ оларды ұтымды пайдалану мәселелері қарастырылады. Негізгі назар aуыл шаруашылығын жаңа климаттық жағдайларға бейімдеу және қолда бар жер ресурстарын тиімді пайдалану қажеттілігіне аударылады. Жұмыста осы мәселенің негізгі аспектілері ұсынылған, ықтимал шешімдер талданады және аймақтағы ауыл шаруашылығының тұрақты дамуы үшін ұсыныстар айтылады.