ГАЖ технологияларын пайдаланып Алматы қаласының көлік инфрақұрылымын талдау

Аннотация

Қалаларды дамытуда көлік жүйесі шешуші рөл атқарады. Ол қала өмірі мен инфрақұрылымының көптеген аспектілеріне тікелей әсер етеді. Тиімді көлік жүйесі тауарлар мен адамдарды тезі және арзан тасымалдауға көмектеседі, бұл қаланың экономикалық өсуіне ықпал етеді. Жақсы дамыған көлік инфрақұрылымы да инвестиция тартуға және жаңа жұмыс орындарын ашуға мүмкіндік береді. Зерттеудің мақсаты – географиялық ақпараттық технологияларды қолдану арқылы Алматы қаласының көлік инфрақұрылымын зерттеу. Алматы қаласының көлік инфрақұрылымын зерттеу үшін географиялық ақпараттық технологияларды пайдалану өте перспективалы тәсіл болып табылады. ГАЖ кеңістіктік деректерді талдауға және визуализациялауға мүмкіндік береді, бұл көлік пен қала дамуы арасындағы қарым-қатынастарды анықтауға мүмкіндік береді. ГАЖ әртүрлі жол учаскелерінде және тәуліктің түрлі уақыттарында қозғалыс көлемін бағалау үшін пайдаланылуы мүмкін. Бұл көлік желісіндегі ең жоғары жүктеме және мүмкін кедергілер бар аймақтарды анықтауға мүмкіндік береді. Мақалада Алматы тұрғындары арасында жүргізілген әлеуметтік сауалнаманың нәтижелері берілген. Соның ішінде қала тұрғындары арасында әлеуметтік сауалнама жүргізу және SWOT-талдау жүргізу көлік желісін дамытудың ағымдағы жағдайы мен перспективаларының толық бейнесін береді. Бұл әдістер мен талдаулар қаланың көлік жүйесін жақсарту және оның тұрғындарының қанағаттануын арттырудың маңызды құралы болып табылады.