ӨНДІРІСТІК АЙМАҚТАРДЫҢ РАДИАЦИЯЛЫҚ ФОНЫН ЗЕРТТЕУ
Кілт сөздер:
радиациялық фон, цезий-137 изотобы, меншікті активтілікАңдатпа
Радиоактивті заттарды кеңінен қолдану топырақтың радионуклидтермен ластану қаупі төнді.
Радиация көздері – ядролық қондырғылар, ядролық қаруларды сынау, уран шахтыларының
қалдықтары. Радиоактивті ластанудың потенциалды көздері ядролық қондырғылардағы
апаттар болып табылады. Топырақтың жоғарғы қабатында радиоактивті стронций және цезий
концентрленіп, адам және жануарлар ағзасына түседі.
Қоршаған ортада радионуклидтердің көп мөлшерде жинақталуы қайғылы жағдайларға әкеліп
соғуы мүмкін. Радионуклидтердің басым бөлігі топырақта орналасқан, жоғарғы қабатында
да және төменгі қабатында да, осыған байланысты олардың көшуі көп жағдайда топырақтың
түрлеріне, оның гранулометрикалық құрамына, су-физикалық және агрохимиялық қасиеттеріне
байланысты болады. Көлденеңінен көшу топырақтың жел эрозиясы, атмосфералық жауын-
шашынның шаюы нәтижесінде болады. Көшу жылдамдығы гидрометеорологиялық әсерлерге
(желдің жылдамдығы және атмосфералық жауын-шашынның қарқындылығы), жергілікті жердің
рельефіне, топырақтың және өсімдіктердің түрлеріне және нуклидтердің физико-химиялық
қасиеттеріне байланысты болады.
Сондықтан қоршаған ортаға уақытылы радиационды мониторинг жүргізген жөн.
Мақалада Орал қаласындағы өндірістік кәсіпорындардың радиациялық фонын зерттеуі
және цезий-137 изотобының меншікті активтілігін анықтауы қарастырылды. Зерттеулер
жыл мезгілдері бойынша жүргізілді. Кәсіпорындар маңындағы ауа, су, топырақ, өсімдіктер
құрамындағы цезий-137 изотобының меншікті активтілігінің өзгеріс заңдылықтарын ұсынамыз.
