Ыстықкөл көлінің гидрохимиясының көп жылдық динамикасы

Аңдатпа

Ыстықкөл көлі ең ірі таулы және құрлықтық тұзды көлдердің бірі болып есептеледі. Ыстықкөл
көлінің бассейнінің суының химиялық құрамының көп жылдық динамикасын бағалау және талдау
1932 ж., 1977 ж. және 1986 ж. мәліметтер бойынша жүзеге асырылады. Көл суының тұздылығы
орташа көп жылдық динамикасы 1928 ж., 1960 ж., 1980 ж., 2000 ж. және 2014 ж. мәліметтер
негізінде анықталды. Көл суында сульфаттар, хлоридтер, натрий және магний иондары басым.
Na+ және Mg+ катиондары және Cl- және SO4
2- аниондары басым. Судың химиялық құрамы
бойынша сульфаттар көбірек және көл суы минерализацияның сульфатты класына және хлоридті-
сульфатты-натрийлі-магнийлі типіне жатады. Көл суы сілтілік реакцияға ие және 2015 ж. рН 7,95-
8,82 аралықта болған. Ыстықкөл көлінің тұздылығы 6.22 г/л тең. Табиғи сулардың гидрохимиясын
зерттеудің экономиканың түрлі салаларында практикалық маңызға ие. Өйткені сумен қамтамасыз
ету және суды пайдаланудың әр салаларында табиғи суларды пайдаланған кезде судың химиялық
құрамы есепке алынады. Су объектілерінің ластануы және антропогендік факторлардың өсуіне
байланысты гидрохимиялық зерттеулердің де маңыздылығы арта түсуде.