ҚАЗАҚСТАН РЕСПУБЛИКАСЫ ХАЛЫҚАРАЛЫҚ ЕҢБЕК КӨШІ-ҚОН ЖҮЙЕСІНДЕ

Аңдатпа

Бұл жұмыста көші-қон үдерістерін, атап айтқанда «еңбек көші-қонын» зерттеудің теориялық-әдіснамалық аспектілері қарастырылады. Отандық және шетелдік ғалымдардың халық пен еңбек көші-қоны теориялары талданады. Қазақстандағы еңбек көші-қонының тарихи кезеңдері және қазіргі кезеңдегі сыртқы еңбек көші-қонының негізгі үрдістері зерттеледі. Еңбек көші-қонының ерекшеліктері, көші-қонға түрткі болған мәселелері, айрықша қасиеттері, түрлері мен белгілері ашып көрсетіледі. Сыртқы еңбек көші-қонының негізгі себептері мен факторларын анықтауға ерекше көңіл бөлінген. Қазақстандағы көші-қон бағыттары мен шетелдік жұмыс күшін тартудың негізгі салалары талданады. Қазақстандағы сыртқы еңбек көші-қоны - әлеуметтік-экономикалық дамудың және жүзеге асырылып жатқан көші-қон саясатының нәтижесі ретінде ұсынылған. Зерттеу нәтижесінде Қазақстан посткеңестік кеңістіктегі донор ел емес, реципиент ел екені анықталды; Қазақстанның еңбек нарығы шетелдік жұмыс күшімен және негізінен Орталық Азия елдерінен келген біліктілігі төмен еңбек иммигранттарымен толығып отырады. Орталық Азия республикаларынан Қазақстанға еңбек мигранттары ағынының ерекшелігі – олардың көпшілігінің заңсыз жұмыс істеуі. Сонымен қатар, сыртқы еңбек көші-қонының негізгі үрдістерінің бірі – білікті кадрлардың айтарлықтай кетуі аясында отандастардың эмиграциясы көлемінің азаюы, яғни «ақыл-ойдың сытылуы» үдерісі. Еңбек көші-қоны мәселелеріне арналған ғылыми еңбектердің көптігіне қарамастан, Қазақстан Республикасындағы еңбек көші-қоны аспектілерінің зерттелуі жеткіліксіз екендігі атап өтіледі